1.一個紅蛋
想要結髮傳子孫無疑明月遇黑雲
尪婿耽誤阮青春噯喲一個紅蛋動心悶
望想享福成雙對那知洞房空富貴
含蕊牡丹無露水噯喲一個紅蛋引珠淚
春野鴛鴦同一衾傷心目屎難得禁
掛名夫妻對獨枕噯喲一個紅蛋擾亂心
愛情今生全無望較慘水虌墜落缸
堅守活寡十外冬噯喲一個紅蛋真苦痛
註：紅蛋(國語)其餘(台語)
2.乞食調
有量啊 頭家啊 來疼痛兮(兮：e_)
疼痛著阮啊 歹命的人嘿
好心啊 阿嬸啊 來助贊兮
助讚著阮啊 昧討趁的人嘿
街頭巷尾啊伊都四界踅(踅：seh¯)
踦踮門邊啊來講好話(踦：kia¯)
求著一碗冷泔糜嘿 (泔糜：am-mue¯)
乎人看輕啊嘛無問題 啊無阿問題
3.黃昏城
作詞：陳達儒
作曲：姚讚福
天悶悶 日頭漸黃昏 鳥隻啼叫小山崙
嶺頂春花亦親像要睏 啊～ 黃昏引動阮青春
城悶悶 燈火照黃昏 雙雙對對娘伴君
孤阮一人悶悶的休睏 啊～ 黃昏引動阮青春
心悶悶 為著日黃昏 孤星伴月結成群
見景傷情加添阮心悶 啊～ 黃昏引動阮青春
4.心糟糟
作詞：陳達儒
作曲：陳秋霖
黃昏冷淡啊日頭落 鳥隻找巢啊飛過河
孤阮啊有哥昧相好 見景傷情心慒慒啊 心慒慒
春來花蕊啊露水靠 阮的阿哥啊有若無
三更啊床中半提倒 空思亂想心慒慒啊 心慒慒
世間有人啊有煩惱 幾個像阮啊全為哥
悲情啊無路對哥報 父母束縛心慒慒啊 心慒慒
5.緣投孩仔
緣投囝仔你幾歲 不知娶某也是袂
阮袂嫁你嗎袂娶 十七八歲真好娶
希望你不通拖沙 趕緊來娶我
酒袂飲侷袂拔 娶我允快活
緣投囝仔真古錐 害我看著大心悸
看著你心花著開 真想要甲你做堆
阮猶原生成真美 袂給你克虧
有甲意緊來相隨 不通用嘴美
緣投囝仔有意愛 可惜您某來阻礙
枉費阮情深似海 阮的傷心誰人知
希望你眾位朋友 甲阮來安排
安排伊會得自由 給阮做尫婿
6.草螟弄雞公
作詞：台灣民謠
作曲：台灣民謠
編曲：黃瑞豐
演唱：羅大佑
人生六十伊都像古樹
無疑食老伊都愈健丟
看著小娘伊都面肉幼
害我學人伊都老風流
啊伊都那噯唷啊伊都老風流
草螟弄公雞 雞公披搏跳
老人食老伊都性愛守
毋通變成伊都老不修
若是愛我伊都做朋友
可惜你是伊都長喙鬚(喙：cui_)
啊伊都那噯唷啊伊都長喙鬚
草螟弄公雞 雞公披搏跳
嫌我喙鬚伊都歹看樣
我著來剔伊都光溜溜
你著交我伊都卡永久
少年僥雄伊都無尾溜
啊伊都那噯唷啊伊都無尾溜
草螟弄公雞 雞公披搏跳
少年阿兄伊都人清秀
做陣一對伊都像鴛鴦
講話散步伊都好遊賞
配著老兄伊都心帶憂
啊伊都那噯唷啊伊都心帶憂
草螟弄公雞 雞公披搏跳
老兄昔時伊都老選手
相招海邊伊都來去泅
免驚落海伊都著喝救 (喝：huah¯)
少年落水伊都命快休
啊伊都那噯唷啊伊都命快休
草螟弄公雞 雞公披搏跳
看你這款伊都憨憨想
自作聰明伊都憨主張
若是愛我伊都做牽手
請你後世伊都才來求
啊伊都那噯唷啊伊都才來求
草螟弄公雞 雞公披搏跳
7.一隻鳥仔哮啾啾
嘉義民謠
演唱：蔡振南
嘿！嘿！嘿都一隻鳥仔哮啾啾 荷哩
哭到三更一又半暝找無巢 荷嘿荷
嘿！嘿！嘿都什麼人啊甲我撞破一個巢 荷哩
乎阮抓著不放伊甘休 荷嘿荷
8.三步珠淚
一步珠淚掛目墘 離娘別哥莫怨天
月老算盤打錯見 青天恨海兩份悲
二步珠淚淚落土 日來割腸暝掛肚
望娘玉體著照顧 不免乎我加添苦
三步珠淚淚成水 想著我娘抹分開
月老註定難改為 迫甲乎咱著分開
9.關仔嶺之戀
作詞：許正照
作曲：吳晉淮
嶺頂春風吹微微 滿山花開正當時
蝴蝶多情飛相隨 啊娘呀對阮有情意
啊 正好春遊碧雲寺
嶺頂風光滿人意 清風吹來笑微微
百花齊開真正美 阿娘呀對阮有情意
啊 遊山玩水爬山嶺
嶺頂無雲天清清 山間花開樹葉青
可愛小鳥吟歌詩 阿娘呀對阮有情意
啊 雙人相隨永不離
10.思想起
作詞：不詳
作曲：許丙丁
思啊想起 楓港過去呀伊嘟是車城
花言巧語呀伊嘟未愛聽啊噯喲喂
阿娘仔講話若有影噯喲喂
噯喲刀槍做路也敢行啊噯喲喂
思想起 甘蔗好吃伊嘟雙頭甜
大某那娶了啊伊嘟娶細姨噯喲喂
細姨仔娶來人人愛噯喲喂
噯喲放捨大某那上可憐啊伊嘟噯喲喂
11.桃花過渡
正月人迎尪囉
單身娘子守空房
嘴吃檳榔面抹粉
手提珊瑚等待君仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
二月立春分囉
無好狗拖提渡船
船頂食飯船底睡
水鬼拖去無神魂仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
三月是清明囉
風流查某假正經
阿伯宛然楊宗保
桃花可比穆桂英仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
四月是春天囉
無好狗拖守港邊
一日三當無米煮
也敢對阮哥哥纏仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
五月龍船鬚囉
桃花生美愛風流
手拿雨傘隨人走
愛著緣投無尾揪仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
六月人收冬囉
無好狗拖提渡人
衫褲穿破無人補
穿甲出汁遂生蟲仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
七月樹落葉囉
娶著桃花滿身搖
厝邊頭尾人愛笑
可比鋤頭掘著石仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
八月是白露囉
無好狗拖提橫渡
要吃不作叫艱苦
船杯打斷面著黑仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
九月紅柿紅囉
桃花生美割吊人
割吊阿伯無要緊
割吊少年先不通仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
十月十月燒囉
阿伯憨想阮袂著
日時貪彈無人叫
暝時無某睏破蓆仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
十一月是冬節囉
大腳查某假小蹄
八寸鞋面九寸底
恰大阿伯的船杯仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
十二月是年宗囉
精粒做粿敬祖公
有尪有婿人塊爽
阿伯你著誅冬風仔伊都
咳仔囉咧咳噯仔囉咧噯
噯仔囉咧噯仔伊都
咳仔囉咧咳
| 
-一個紅蛋.jpg)